Joom!Fish config error: Default language is inactive!
 
Please check configuration, try to use first active language

ԼՂՀ գլխավոր դատախազ Արթուր Մոսիյանի ելույթը դատախազության կոլեգիայի հանդիսավոր նիստում (26.11.2015թ.)
ԼՂՀ գլխավոր դատախազ Արթուր Մոսիյանի ելույթը դատախազության կոլեգիայի հանդիսավոր նիստում (26.11.2015թ.)
There are no translations available.

Հարգելի գործընկերներ, հարգարժան հյուրեր
Մասնագիտական տոն օրերի ցանկում Դատախազության օրվա նշումը վկայությունն է այն իրողության, որ հանրապետության իշխանությունները խիստ կարևորում են օրենքի գերակայության ապահովումը ԼՂՀ-ում` այս համատեքստում ընդգծելով դատախազական աշխատանքի դերն ու նշանակությունը պետականաշինության գործընթացում:
Պատահական չէ նաև, որ հենց այսօր է նշվում մեր մասնագիտական տոնը: Ինչպես գիտեք, 1924 թվականի նոյեմբերի 26-ին է ստեղծվել Լեռնային Ղարաբաղի մարզային դատախազությունը: Այս հատկանշումը զուգակցվում է Արցախի պատմության մի այնպիսի ծանր ժամանակահատվածի հետ, որպիսին վերջին ավելի քան իննսուն տարիներն էին` իրենց դժվարին փուլերով: Գիտենք, հեշտ չի եղել իրավապահ մարմինների համար աշխատել ստալինյան բռնապետության պայմաններում, պայքարել ոչ միայն հանցավորության, այլ նաև  խորհրդային կեղծ ինտերնացիոնալիզմի քողի տակ Բաքվի կողմից իրականացվող ազգային խտրականության դեմ: Խորհրդային Միության փլուզումից հետո, երբ նորանկախ Լեռնային Ղարաբաղի Հանրապետությունը գոյապայքարի խրամատների վրա սկսեց կերտել իր անկախ պետականությունը, մենք կարողացանք ժողովրդավարական արժեքներին համահունչ` երկրում ստեղծել մի համակարգ, որը ներկայումս հանդիսանում է հանրապետության ամենակայացած կառույցներից մեկը: Իսկ դրան մենք հասել ենք, անկասկած, ունենալով հարուստ փորձ և հստակ նպատակասլացություն:
Ակնհայտ է, որ դատաիրավական բնագավառներում, և մասնավորապես դատախազության համակարգում իրականացված բարեփոխումները որակական նոր մակարդակի վրա են դրել ԼՂՀ-ում օրենքի գերակայության և իրավակարգի ապահովման դրվածքը: Այդ շրջանակում բարելավվել են նաև դատախազների կենսապահովման ու աշխատանքային պայմանները, ինչը յուրաքանչյուր դատախազի համար պետք է խթան լինի հանձնարարված գործի նկատմամբ առավել նվիրվածություն և պատասխանատվություն ցուցաբերելու համար: Միևնույն ժամանակ, հանրապետության ղեկավարության կողմից մշտապես դրսևորվող աջակցությունը ԼՂՀ դատախազության առջև դրված խնդիրների լուծմանը` լավ հիմք է լիարժեքորեն իրականացնելու Սահմանադրությամբ և օրենքով դատախազությանը վերապահված լիազորությունները: Այսպես ասենք` ստեղծված պայմաններում վատ աշխատելու իրավունք մենք պարզապես չունենք:
Հարգելի գործընկերներ, հարկ եմ համարում նաև մատնանշել դատախազության մարմինների և հանրապետության մյուս իրավապահ ու հսկողական գործառույթներ իրականացնող կառույցների միջև առկա սերտ համագործակցությունը: Այս հանդիսավոր միջոցառմանը ներկա են հիշյալ կառույցների պաշտոնական ներկայացուցիչները, և նրանց ներկայությունից օգտվելով, ուզում եմ վերահաստատել ԼՂՀ դատախազության պատրաստակամությունը փոխգործակցությունն ավելի խորացնելու գործում: 
Օրենքի գերակայությունն Արցախում այլընտրանք չունի. սա մի ուղենիշ է, որին ի սկզբանե հավատարիմ ենք եղել ու կլինենք այսուհետ:  Այս համոզմունքով էլ մասնագիտական տոնի առթիվ շնորհավորելով համակարգի բոլոր աշխատողներին, նաև դատախազության վետերաններին, մաղթում եմ բոլորին քաջառողջություն, նորանոր հաջողություններ աշխատանքում և անձնական կյանքում:
Շնորհակալություն:

 

Օրացույց

<November 2015>
MoTuWeThFrSaSu
      1
2345678
9101112131415
16171819202122
232425262829
30      

Այցելուների Քանակը

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter